පකිස්ථානය සමඟින් පැවැත්වෙන ක්රිකට් තරඟාවලිය සඳහා ශ්රී ලංකා ක්රිකට් ආයතනයේ ඉහළ නිළධාරීන් පිරිසක්ද මේ වනවිට එක්සත් අරාබිය බලා පිටත්ව ගොස් තිබෙනවා. තරඟ 5කින් සමන්විත එක්දින තරඟාවලිය 5-0 ලෙසින් පරාජය වී මේ වන විට ශ්රී ලංකා පිල පසුවන්නේ මින් පෙර කණ්ඩායම නොවැටී සිටි අඩියකටයි.
ක්රිකට් පාලක මණ්ඩලයේ අර්බුද, ක්රීඩකයින්ගේ හා තේරීම් කමිටුවේ අර්බුද රැසක් මේ වනවිට ක්රිකට් ක්රීඩාවේ අගාධයට හේතුවී ඇති බව බොහෝ දෙනකු දන්නා කරුණක්. මේ තුළින් ක්රිකට් ක්රීඩාවේ කීර්තිනාමයට යම් කැළලක් ඇතිව තිබෙන අතර බලධාරීන් එය හරිගස්වන්නට පිළියම් යොදනවා යැයි කීවත් එහි පිළිගත හැකි වෙනසක් මෙතෙක් සිදුව නැති බවයි ක්රීඩා ලෝලීන්ගේ අදහස වී ඇත්තේ.
මේ සියල්ල අතර පෙර කී ක්රිකට් ආයතනයේ ඉහළ නිළධාරීන්ගේ අයෙකු රටේ කීර්තිනාමයට මෙන්ම ශ්රී ලංකා ක්රිකට් නාමයට හානිවන කටයුත්තක් සිදුකර ඇති බවට අපවෙත තොරතුරු වාර්තා වෙනවා. මේ පිළිබඳව අනාවරණය කර ඇත්තේ සාජා ක්රිකට් ක්රීඩාංගණයේ සිටි, තරඟාවලියේ කටයුතු වෙනුවෙන් රාජකාරියේ යෙදුණු කාන්තාවක් විසින්.
පෙර කී ශ්රී ලංකා ක්රිකට් ආයතනයේ ඉහළ නිළධාරියා විසින් අදාල විදෙස් කාන්තාවට අයුතු යෝජනාවක් ඉදිරිපත් කර ඇත්තේ ඔහු සමඟින් රැයක් ගතකරන්නට එන ලෙස ඇයගේ ජංගම දුරකථනයට පණිවුඩයක් යවමින්. කෙසේ නමුත් ඇය විසින් එය ප්රතික්ෂේක කොට ඇති අතර අදලා සිද්ධිය සම්බන්ධයෙන් ඇයගේ ට්විටර් ගිණුමේද සඳහන් කිරීමට ඇය කටයුතු කර තිබෙනවා.
එමෙන්ම එහි වැඩිදුරටත් විස්තර සඳහන් කර ඇති ඇය පවසන්නේ තමන් නුදුරේදීම ඔහුගේ නමද අනාවරණය කිරීමට කටයුතු කරන බවයි. ලොවක් ඉදිරියේ මෙවැනි ක්රියාවන් කරමින් රටේ නම මෙන්ම කඩාවැටී ඇති ක්රිකට් ක්රීඩාවද තවත් අගාධයට තල්ලු කරන මෙවන් පිරිස් පිළිබඳව තීරණයක් ගැනීම බලධාරීන්ගේ වගකීම බවයි සිද්ධිය පිළිබඳව අදහස් දැක්වූවන් පවසා සිටින්නේ.
No comments:
Post a Comment